अछाम जिल्लाको ढकारी गाउँपालिका वडा नम्बर-१ मा सकेट बम भेटिएको छ । उक्त बम नेपाली सेनाको टोलीले डिस्पोज गरेको छ ।
भवानी बक्स गण मंगलसैनका सेनानी हरिबहादुर श्रेष्ठको टोलीले शुक्रबार साँझ ६ बजे बम डिस्पोज गरेको हो ।
ढकारी गाउँपालिका वडा नम्बर-१ का स्थानीय दिलबहादुर बुढाको घर नजिकैको झाडीमा शुक्रबार बम फेला परेको ढकारी प्रहरी चौकीका इन्चार्ज मदन सिंह धामीले जानकारी दिनुभयो ।
फेला परेको बम द्वन्द्वकालमा छुटेको हुनसक्ने ढकारी गाउँपालिका-१ का वडाध्यक्ष भवानीप्रसाद उपाध्यायले बताउनु भयो ।