भिडियो कन्फेरेन्सिङ एप गूगल मिट प्रयोग गर्न मोबाइलमा अब छुटै एप डाउनलोड गर्नु नपर्ने भएको छ । यसको लागि गूगलले जीमेल एपमा गूगल मिटलाई एकीकृत गर्ने भएको छ ।
मोबाइलबाटै मिटको प्रयोग गर्न जीमेल एप भित्र मिटको नयाँ ट्याब चाँडै उपलब्ध हुनेछ । मिटको उक्त ट्याबबाट मिटिङमा सहभागी हुन र गूगल क्यालेन्डरमा गएर सेड्युलमा रहेको मिटिङ हेर्न सकिनेछ ।
उक्त ट्याबबाट नयाँ मिटिङको सुरुवात गर्न र शेयरको लागि नयाँ लिङ्क जेनेरेट गर्न तथा मिटिङ सेड्युल गर्न सकिन्छ ।
आउँदो हप्ताबाट जीमेलको यो फिचर सबैको लागि उपलब्ध हुनेछ । यो फिचर वेब भर्सनमा भने पहिलेनै उपलब्ध भइसकेको छ ।