नेपालको लोकप्रिय एप हाम्रो पात्रोले ‘हाम्रो रिचार्ज’ नामक वेब एप्लिकेसन सार्वजनिक गरेको छ । विदेशमा रहेका नेपालीलाई लक्षित गरी हाम्रो पात्रोले हाम्रो रिचार्ज नामक वेब पोर्टलको सुरुवात गरेको हो ।
अब यसबाट सजिलै र सुरक्षित तरिकाले आफ्ना साथिभाई तथा परिवारको मोबाइलमा रिचार्ज गर्न सकिने छ । हाम्रो रिचार्ज वेबसाइटबाट अहिले नेपाल टेलिकमको प्रिपेड तथा पोष्टपेड, एनसेल र स्मार्ट सेलका नम्बरहरुमा रिचार्ज गर्न सकिने छ ।
यसरी प्रयोग गर्नुहोस हाम्रो रिचार्ज
हाम्रो रिचार्जबाट मोबाइल नम्बरमा रिचार्ज गर्नको लागि सबैभन्दा पहिले यहाँ क्लिक गर्नुहोस । त्यसपछि आफ्नो मोबाइल नम्बर राखि उक्त नम्बरमा कति ब्यालेस टपअप वा पठाउनु पर्ने हो त्यो छनौट गर्नुहोस ।
छनौट गरेपछि टपअप प्रक्रियालाई अगाडी बढाउनको आफ्नो फेसबुक वा जीमेल अकाउन्टबाट लगइन गर्नुहोस । लगइन गरेपछि तपाईको अर्डर रिभ्यू हुन्छ ।
त्यसपछि डेबिट वा क्रेडिट कार्डको जानकारी राखेर (भिजा, मास्टरकार्ड, अमेरिकन एक्सप्रेस, युनियन पे) सजिलै रिचार्ज गर्न सकिने छ ।