सुदूरपश्चिमका बिभिन्न अस्पतालमा  एक सय २ जना कोरोना संक्रमितको उपचार हुँदै

Dhangadhi Khabar    

सुदूरपश्चिमका बिभिन्न अस्पतालमा  एक सय २ जना कोरोना संक्रमितको उपचार हुँदै
सांकेतिक तस्विर

धनगढी – 
सुदूरपश्चिम प्रदेशका बिभिन्न अस्पतालहरुमा १०२ कोरोना संक्रमितको उपचार भइरहेको छ । कैलालीको सेतीप्रादेशिक अस्पताल धनगढीमा ३६,टिकापुर ३१, महाकाली २०, अछाम १०, डोटी २, डडेल्धुरा २ र दार्चुला अस्पतालमा १ जनाको उपचार भइरहेको सामाजिक बिकास मन्त्रालयले जानकारी दिएको छ । १ हजार १८३ जना भने सामन्य उपचारपछि घरफर्कि सके भने शंकास्पद १४ जना आइसोलेसनमा छन । 

प्रदेशका ९ वटै जिल्लामा १०० आइृसोलेसन सेन्टरमा ३ हजार ९१८ बेडहरु छन । सो बेडमा २ सय ६८ पुरुष र १ सय ८१ म्हिला र होम आईसोलेसनमा १ सय ५७ जना रहेको सामाजिक बिकास मन्त्रालयका स्वास्थय महाशाखा प्रमुख नरेन्द्र सिंह कार्कीले रातोपाटी लाई जानकारी दिए ।

हालसम्म ५ हजार १११ जना संक्रमित निको भएर घर गएका छन । शुक्रबार बिभिन्न अस्पतालबाट ६९ जना कोरोना जितेर घर गएको उनले बताए । यसअघि नै ११ जना संक्रमितको मृत्यु भइसकेको छ । अझै प्रदेशमा ८ सय ५४ जना सकृय संक्रमित रहेका छन । अछाम ७४, बैतडी५६, बझाङ्ग १०८, बाजुरा ८, डडेल्धुरा २०, दार्चुला ९, डोटी ८९, कैलाली ४३८ कंचनपुर ५२ जना सकृय संक्रमित रहेको उनले बताए ।

६५ हजार ६९८ नमुना जाच मध्य ५ हजार ९७६ मा संक्रमण पुस्टी भईसकेको छ भने ५९ हजार ७२२ नमुना नेगेटिभ आएको छ ।  ८ सय ५४ नमुनाको रिजल्ट आउन बाँकी छ ।  बितेको २४ घण्टामा बिभिन्न अस्पतालको कोरोना प्रयोग शालाबाट गरिएको नमुना परिक्षणमा ७ जनामा कोरोना संक्रमण पुस्टी भएको स्वास्थ्य महाशाखा प्रमुख कार्कीको भनाई छ । 


 



शनिबार २०, भदौ २०७७ ०९:२२ मा प्रकाशित

#सुदूरपश्चिम #कैलाली #धनगढी #अस्पताल

नेकपा एमाले भित्रको किचलोमा को बढी दोषी ?

Loading...

प्रतिकृया दिनुहोस