कञ्चनपुर: कञ्चनपुरमा बलात्कार मुद्दामा कैद तोकिएका दुई फरार प्रतिवादी बुधबार पक्राउ परेका छ्न ।
जबरजस्ति करणी मुद्धामा कञ्चनपुर जिल्ला अदालतबाट २ बर्ष ६ महिना कैद फैसला तोकिएका बेलौरी नगरपालिका २ बस्ने २७ वर्षीय ज्ञान सिंह राना २०७३/०४/२३ गते देखी फरार रहेका थिए भने जबरजस्ति करणी मुद्धामै ६ बर्ष कैद फैसला तोकिएका पुर्नवास नगरपालिका ३ बस्ने ३७ वर्षीय जोगी धामी २०५९/०२/२५ गते देखी फरार रहेका थिए।
फरार रहेका दुवै प्रतिवादीहरुलाई कञ्चनपुर प्रहरी कार्यालयको मातहतबाट खटिएको प्रहरी टोलिले बुधबार आ-आफ्नै घरमा लुकीछिपि बसिरहेको अबस्थामा पक्राउ गरेको प्रहरी नायव उपरीक्षक एवं कञ्चनपुर प्रहरी प्रवक्ता अमर बहादुर थापाले बताएका छ्न । दुवैजनालाई पक्राउ गरि जिल्ला अदालतमा पेश गरिएपछि अदालतबाट कैद भुक्तानका लागी कारागार चलान गरीएको समेत प्रहरी प्रवक्ता थापाले बताए ।