भोकालाई जसरी यो अनाज प्यारो लाग्छ।
त्यसरी महाराजलाई युवराज प्यारो लाग्छ।
कुमारले कर्म गरे तर गणेशले विजयी भए,
सायद सबैलाई चाकडी बाज प्यारो लाग्छ।
काम गर्दा दु:ख हुन्छ प्राय: चाहदैन मान्छे,
खान पाइयोस काम न काज प्यारो लाग्छ।
पुजीवादको चाहनाले समाजवाद भेट्टिदैन,
त्यहीँ भएर हो सम्पत्ति आज प्यारो लाग्छ।
सत्ता मोहको सामु आदर्शहरू शुलीमा चढे,
तिमीलाई चढेको शीरमा ताज प्यारो लाग्छ।