धनगढीः सुदूरपश्चिम प्रदेसको राजधानी अत्तरियामा रहेको स्प्रुजु प्याकेजिङ्ग वाटर कम्पनिको सिल गरेको पानीको बोत्तलमा किरा भेटिएको छ ।
धनगढी स्थित होटल के आई चटकपुरले ग्राहकलाई पानीको बोत्तल दिंदा सिल गरेको पानीको बोत्तल भित्रै किरा भेटिएको पाईएको हो ।
मानव शरीरमा लगभग ७२ प्रतिशत भाग पानीले ओगटेको हुन्छ । मानव शरीरले दैनिक कार्यहरू सहजरूपमा गर्नका लागि दैनिक १ लिटर देखि ७ लिटर सम्म पानीको आवश्यकता पर्छ। यस्तो अवस्थामा पनजिस्तो संवेदनशील पदार्थमा जलस्रोतको आधारमा विश्वकै दास्रो नेपालजस्तो मुलुकमा बेच्नकालागि तयार पारीएको पनिमा नै फोहोर भेट्टिनु कत्तिको जायज हो ?
होटलमा नास्ता खान गएका ग्राहक प्रकाश साउँदले पानी उत्पादन गर्ने कम्पनीको लापरवाहीले गर्दा उपभोक्ता स्वास्थ्यमा प्रतिकुल असर गर्ने र कम्पनीको चरम लापरवाहीका कारण आम जनताको स्वास्थ्यमा खेलवाड समेत गरेको आक्रोश व्यक्त गरे । साँवदले भन्नुभयो,‘‘यसरी फोहोर पानि बोत्तलमा भरेर बेच्ने कम्पनिलाई कसरी अनुमति दिईयो ? उपभोक्ताको स्वास्थमाथि खेलवाड गर्ने कम्पनिहरुलाई सम्बन्धित निकायले समयमै कारवाही गर्नु पर्छ ।”
सोहि बिषयमा बुझ्दा स्प्रुजु प्याकेजिङ्ग वाटर मम्पनिका एक प्रतिनिधीले आफ्नो कम्पनीबाट पानी उत्पादनमा लापरवाही भएको स्वीकार गरेका छन । उनले भने,‘‘हामिले जानिजानि गरेका हैनौं यसबाट ग्राहकवर्गमा पर्नगएको अशुविधा प्रति क्षमा चाहन्छौं” साथै आगामी दिनमा यस्तो लापरवाही नहुने बताएका छन् ।