टाढाबाट हेर्नुस गतिविधि गद्दार जस्तो देखिन्छ

टाढाबाट हेर्नुस गतिविधि गद्दार जस्तो देखिन्छ।
समिपबाट नियाल्दा यो सरकार जस्तो देखिन्छ।

प्रसंसा सुनेर आफ्नो यति धेरै परिवर्तन भएछौ,
आलोचना त तिम्रालागी तरवार जस्तो देखिन्छ।

सहिदको रगतले सराप्ला अनुहार चाउरिदा हेर,
तिम्रो अनुहार चम्केको बार बार जस्तो देखिन्छ।

न्यायको व्यापार हुने त अदालत छ मेरो देशमा,
पैसा आउँछ भने फैसला तयार जस्तो देखिन्छ।

पैसा पद र पावर सधैं मेरै हुनेछ सम्झिन्छौ र पो,
तिमीलाई अब यहीँ सारा संसार जस्तो देखिन्छ।

ऊ सुबिधा भन्दै मस्ती गरी बसेको छ आनन्दले,
मलाई किन किन त्यो भ्रष्टाचार जस्तो देखिन्छ।