यूएईमा सामाजिक सञ्जालमा जथाभावी लेखे वा कमेन्ट गरे ५ लाख दिर्हामसम्म जरिवाना !

एजेन्सी    

यूएईमा सामाजिक सञ्जालमा जथाभावी लेखे वा कमेन्ट गरे ५ लाख दिर्हामसम्म जरिवाना !
प्रतिकात्मक तस्वीर

दोहा- नेपाली श्रमिकहरुको रोजगारीको ठूलो गन्तव्य रहेको संयुक्त अरब एमिरेट्स (यूएई)मा सामाजिक सञ्जालमा जथाभावी लेखेमा वा कमेन्ट गरे ५ लाख दिर्हामसम्म जरिबाना हुने भएको छ ।

यूएई प्रहरीले सामाजिक सञ्जालमा कसैलाई गालीगलौज वा होच्चाएर कमेन्ट नगर्न समेत अनुरोध गरेको छ ।

सामाजिक सञ्जालका पोस्टहरुमा लेखिने कमेन्टहरुमा पनि विशेषगरी अरुको मानहानी हुने र निन्दा गरेर लेखिएका कमेन्टमा जेल सजाय र जरिबाना वा दुबै सजाय हुने गल्फ न्युजले जनाइएको छ ।

यस्तो कमेन्ट गर्नेहरुलाई २ लाख ५० हजार दिर्हामदेखि पाँच लाख दिर्हामसम्म जरिबाना हुन सक्ने जनाएको छ । साइबर अपराध अनुसार यस्तो सजाय गर्ने भएको हो ।

यसका लागि टेलिकमको नेटवर्क वा अन्य कुनै आईटी प्रविधिको प्रयोग गर्ने यूएई प्रहरीले जनाएको छ । प्रहरीले २०१९ मा सोशल मिडिया दुरुपयोगको आरोपमा उल्लेखनीय वृद्धि भएको जनाएको छ ।

२०१७ मा, सोशल मिडिया दुरुपयोगका ३९२ कसेस केसहरू दर्ता भएका थिए भने २०१८ मा ३५७ घटना रिपोर्ट गरिएको थियो । प्रहरीले २०१९ मा सामाजिक सञ्जालको प्रयोगमार्फत दुर्व्यवहार बढेको जनाएको छ ।

सामाजिक सञ्जालको दुरुपयोगमा विषेशगरी अनलाइन दुव्र्यवहार, धम्की र ब्याल्कमेल, झुटो समाचारको प्रकाशन र प्रशारण, अरुको निजी मामलामा हस्तक्षेप, दुर्व्यवहारजन्य कमेन्ट गर्नु, झुटो विज्ञापन पोस्ट गर्ने लगायत रहेको जनाएको छ ।

अप्रिल महिनाको सुरुमा सामाजिक सञ्जालको दुरुपयोग गर्ने दुईजना पक्राउ परेका थिए । यूएईले सामाजिक सञ्जाल प्रयोगकर्ता कुनै पनि सामग्री पोस्ट गर्दा उत्तरदायी र नैतिकवान हुनपर्ने बताएको छ ।

सामाजिक सञ्जालमा बालबालिका र युवाको ठूलो पहुँच हुने भएकाले सामाजिक सञ्जालमा केही लेख्नुअघि, फोटो र भिडियो पोस्ट गर्नुअघि सचेत हुन आग्रह पनि गरिएको छ ।

करिव ४ लाख नेपाली श्रमिक रहेको यूएईमा सामाजिक सञ्जालमा केही पोष्ट गर्दा, कमेन्ट वा सेयर गर्दा होसियार हुनु होला नत्र जरिवाना वा जेल पर्नु होला I



बिहिबार २९, असोज २०७७ ०९:५० मा प्रकाशित

#नेपाली श्रमिक #दोहा #यूएई #सामाजिक सञ्जाल #जरिबाना

हाल बढ्दै गइ रहेको कोरोन संक्रमण रोक्न सरकार ले आगामी दिन मा के गर्न उचित होला?

Loading...

प्रतिकृया दिनुहोस