पछिल्लो २४ घण्टामा भारतमा गत जुलाई २३ यताकै सबैभन्दा कम कोरोनाका नयाँ संक्रमित फेला परेका छन् । भारतमा पछिल्लो २४ घण्टामा ४६ हजार ७९१ जना मात्रै नयाँ संक्रमित फेला परेको मंगलबार भारतको स्वास्थ्य मन्त्रालयले सार्वजनिक गरेको तथ्यांकले देखाएको छ ।
गत सेप्टेम्बर १७ मा एकैदिनमा सबैभन्दा बढी करिब ९८ हजार नयाँ संक्रमित फेला परेका थिए । तर, त्यसयता भने निरन्तर नयाँ संक्रमित संख्यामा कमी आइरहेको छ । अहिलेसम्म भारतमा कोरोनाका ७५ लाख ९७ हजार ६४ संक्रमित भेटिएका छन् ।
त्यस्तै भारतमा कोरोनाबाट मृत्यु हुनेको संख्या पनि एक लाख १५ हजार १९७ पुगेको छ । पछिल्लो २४ घण्टामा मात्र भारतमा कोरोनाबाट ५८७ जनाको मृत्यु भएको हो ।