कति सहनु कति सहनुको पनि सीमा हुन्छ।
ख्याल गर्नु पदको नि आफ्नो महिमा हुन्छ।
कस्तो तुलना गर्ने हो तिमी आफै छुट्याउनु,
सहि हो सम्बन्ध त बलियो बराबरीमा हुन्छ।
विचारले नेता र पैसाले व्यापारी बन्छ तसर्थ,
सम्बन्ध पनि त बडाबडी र घटाघटीमा हुन्छ।
यहि हो तिम्रो र मेरो असहमतिको केन्द्र पनि,
सपनी हुनै सक्दैनन् जो प्राय: बिपनीमा हुन्छ।
अहमको आयु लामो भएको इतिहास देखिन्न,
कर्मको हिसाब किताब नि यसै धरतीमा हुन्छ।
के गर्नु नोक्सान मेरो हुने निश्चित हो बुझेको छुँ
सायद हजुरका त असुल उपर गर्न बिमा हुन्छ।