अछाम । अछाम जिल्लाको चौरपाटी गाउँपालिकाले टोल–टोल विद्युत विस्तारको कामलाई तिब्रता दिएको छ । गाउँपालिका भित्रका सात वटै वडामा गाउँपालिकाले विद्युत विस्तारको कार्यमा अग्रसरता देखाएको हो । यस्तै विद्युत विस्तारकै क्रम गाउँपालिकाले बुधबार वडा नम्बर १ सिउडीको खान्डाँडाँ टोलमा बिजुली पु¥याएको छ ।
गाउँपालिकाका अध्यक्ष हर्क बहादुर साउँदले गाउँपालिका भित्रका सबै वडामा विद्युत विस्तार गर्ने काम तिब्र रुपमा भईरहेको जानकारी दिएका छन । उनले नागरिकहरुलाई अध्यारोबाट मुक्त गराउन आफु दिनरात खटेर काम गरिरहेको बताए । आफुले चुनाबको बेला गरेका बाचा अनुसार नै वडा देखि टोल–टोलमा बत्ती पु¥याउन लागि परेको उनले बताए ।
अध्यक्ष साउँदले बुधबार खान्डाँडाँ टोलमा बत्ती बालेर उद्घाटन गरेका हुन । उद्घाटन कार्यक्रममा बोल्दै अध्यक्ष साउँदले अब खान्डाँडाँ टोलबासीले अन्धकारमा बस्नु पर्ने बाध्यताको अन्त्य भएको बताए । करिब सयौं घरधुरीलाई मध्येनजर गरी खान्डाँडाँ टोलमा टान्सर्फमर राखिएको छ ।
बत्ती उद्घाटनसँगै टोलबासीलाई मिटर समेत वितरण गरिएको छ । यता टोलबासी बषौँपछि गाउँमा बत्ती पुगेको भन्दै हर्षित भएका छन । उनीहरुले आफ्नो टोलमा बत्ती बालेको भन्दै गाउँपालिकाका अध्यक्ष साउँद र नेपाल बिद्युत प्राधिकरण लगायत विभिन्न सरोकारवाला व्यक्तिहरुलाई धन्यवाद व्यक्त गरेका छन ।
विद्युत उद्घाटन कार्यक्रममा अध्यक्ष हर्क बहादुर साउँद, उपाध्यक्ष माया कुवँर, नेकपा चौरपाटी गाउँपालिकाका इन्चार्ज राम बहादुर थापा, नेपाली काग्रेसका प्रतिनिधी, नेपाल विद्युत प्राधिकरणका प्रतिनिधी लगायत विभिन्न व्यक्तिहरुको उपस्थिती रहेको थियो । यस्तै केही दिन अगाडी वडा नम्बर १ कै गाजरीमा पनि विद्युत उद्घाटन गरिएको थियो ।