कैलालीका थप ४७ र कञ्चनपुरका ६ जनामा कोरोना भाइरसको संक्रमण पुष्टि भएको छ। पछिल्लो २४ घण्टामा सेती प्रादेशिक अस्पतालमा ३ सय ३३ जनाको परीक्षण गरिएकोमा ५३ जनामा संक्रमण पुष्टि भएको हो।
अस्पतालका सूचना अधिकारी दिलिपकुमार श्रेष्ठले कैलालीको धनगढी उपमहानगरपालिकाका २६ जना, टीकापुर नगरपालिकाका १५ जना, गोदावरी नगरपालिकाका २ जनामा कोरोना पुष्टि भएको जानकारी दिए । यस्तै कैलालीकै चुरे गाउँपालिका १ जना र गौरीगंगा नगरपालिकाका १ जनामा र ठेगाना नखुलेका २ जनामा समेत कोरोना संक्रमण देखिएको छ।
कञ्चनपुरको भीमदत्त नगरपालिका २ जना र पुर्नवास नगरपालिकाका २ जना, शुक्लाफाँटा नगरपालिका १ जना र बेलौरी नगरपालिकाका १ जनामा पनि कोरोना पुष्टि भएको सूचना अधिकारी श्रेष्ठले बताए।
प्रतिकृया दिनुहोस