पुनर्वास। कञ्चनपुरमा युवती मृत भेटिएकी छन् । जिल्लाको पुनर्वास नगरपालिका वडा नम्बर ९ मा २२ वर्षीय चन्द्रा सुनार मृत भेटिएको प्रहरीले जनाएको छ ।
जिल्ला प्रहरी कार्यालयका प्रवक्ता प्रहरी नायब उपरीक्षक अमरबहादुर थापाले सुनार आफ्नै घरको धुरीमा झुण्डिएको अवस्थामा मृत भेटिएको जानकारी दिए ।
उनको शव परीक्षणका लागि सेती प्रादेशिक अस्पताल धनगढीमा राखिएको छ । घटनाको अनुसन्धान भइरहेको प्रहरीले जनाएको छ ।