मोटरसाइकल दुर्घटनामा परी मृत्यु भएका युवकको अझै पहिचान खुलेन

धनगढी खबर    

मोटरसाइकल दुर्घटनामा परी मृत्यु भएका युवकको अझै पहिचान खुलेन

धनगढीमा मोटरसाइकल दुर्घटनामा परी मृत्यु भएका युवकको अझै पहिचान खुल्न सकेको छैन् ।

दशैँको दिन कात्तिक १० गते रातीको समयमा धनगढी उप–महानगरपालिका वडा नम्बर ३ बोराडाडी स्थित ६ लेन सडकमा मोटरसाइकल दुर्घटनामा मृत्यु भएका युवकको पहिचान नखुलेको प्रहरीले जनाएको छ ।

जिल्ला प्रहरी कार्यालयले उनको शव सेती प्रादेशिक अस्पतालमा सुरक्षित राखिएकाले परिवारलाई सम्पर्कमा आउन आग्रह गरेको छ । मंगलबार मृतकको फोटो सार्वजनिक गर्दै प्रहरीले निजलाई चिन्ने व्यक्तिलाई सम्पर्कमा आउन अनुरोध पनि गरेको छ ।

प्रहरीका अनुसार मृतक युवक  गँहु गोरो वर्ण, ५ फिट ७  ईन्च उचाइ, पातलो शरिर, लामो कपाल पालेका छन् भने हातमा चाँदीको वाला जस्तो लगाएको तल्लो शरिरिमा निलो रातो ट्राउजर र माथिल्लो शरिरमा खरानी रंगको हुक, खैरो जुत्ता लगाएका छन् ।

आफैले चलाएको से. १ प. ८७६१ नम्बरको मोटरसाईकल आफै अनियन्त्रित भई ठोक्किदा गम्भीर घाइते भएको अवस्थामा भेटिएका युवकलाई उपचारका लागि सेती प्रादेशिक अस्पताल लैजादै गर्दा मृत्यु भएको थियो । 



बुधबार १२, कार्तिक २०७७ ०९:५० मा प्रकाशित

#धनगढी #मोटरसाइकल दुर्घटना #पहिचान

हाल बढ्दै गइ रहेको कोरोन संक्रमण रोक्न सरकार ले आगामी दिन मा के गर्न उचित होला?

Loading...

प्रतिकृया दिनुहोस