कार्तिक १२, कंचनपुर। कंचनपुरमा चाडपर्वलाई लक्षित गरि भित्र्याइएका एक लाख पचास हजार मुल्य बराबरका अवैध बिष्फोटक पदार्थ(पटाका)प्रहरीले बरामद गरेको छ। जिल्लाको भिमदत्त नगरपालिका ४ बसपार्क स्थित महेन्द्रनगरबाट दार्चुला जाने सु.प.प्र.०२-००१ ख ९४३ नम्बरको बसबाट उक्त पटाका बरामद गरिएका हुन । जिल्ला प्रहरी कार्यालय कंचनपुर कार्यालयको मातहतबाट खटिएको प्रहरी टोलिले साझँ ४:५० बजे चेकजाँचका क्रममा उक्त बसको छतबाट पटाका बरामद गरेको हो। महेन्द्रनगर गल्ली नम्वर ५ चौलानी पुस्तक पसल संचालक दार्चुला शैल्यशिखर नगरपालिका १ बस्ने दिनेश खडायतले कामदार मार्फत लोड गराएको ४ कट्टा पटाका बरामद गरीएको जिल्ला प्रहरी कार्यालयका प्रहरी नायब उपरीक्षक अमर बहादुर चन्दले बताए । संकास्पदरुपमा चौलानी पुस्तक पसलमा प्रहरी टोलीले चेकजाँच गर्दा थप २ कट्टा पटाका समेत गरी जम्मा ६ कट्टा पटाका बरामद गरिएको प्रहरी नायव उपरीक्षक थापाले बताए ।
एक लाख पचास हजार बराबरको पटाका कानून बमोजिम बरामद गरिएको प्रहरीले जनाएको छ ।
पुस्तक पसलका संचालक दिनेश खडायत फरार रहेको र उनको खोजतलास भईरहेको साथै यस सम्बन्धमा थप अनुसन्धान भईरहेको समेत जिल्ला प्रहरी कार्यालय कंचनपुरले जनाएको छ ।