हस्तरेखा ज्योतिषको सहायताले हत्केलामा बनेका रेखा मार्फत व्यक्तिको जीवनमा हुने कैयौं महत्वपुर्ण कुरा थाहा पाउन सकिन्छ । हातमा बनेका रेखामा जीवन रेखा, भाग्य रेखा, हृदय रेखा र विवाह रेखा प्रमुख हुने गर्दछन् ।
जीवन र भाग्य रेखा जहाँ व्यक्तिको जीवन र उसको भाग्यका बारेमा जानकारी दिने गर्दछ । त्यहि विवाह रेखाले प्रेम प्रसंग र वैवाहिक जीवनका बारेमा थाहा पाउन सकिन्छ । विवाह रेखामा कैयौं कुराहरु उल्लेख हुने गर्दछ जस्तैः विवाह कहिले हुन्छ ? प्रेम विवाह हुन्छ कि मागी विवाह ? विवाहको योग कति छ आदी ।
कहाँ हुन्छ विवाह रेखा ?
हत्केलाको बुध पर्वत रहे नजिकै कान्छि औलाको मुनी पट्टि कोल्टे भागमा विवाह रेखा हुने गर्दछ । त्यहा भएका रेखाले विवाहका बारेमा जान्न सकिन्छ ।
यी हुन् विवाह रेखासंग जोडिएको विशेष कुरा :
१. विवाह रेखा लामो र सीधा र स्पष्ट भए वैवाहिक जीवन राम्रो मानिन्छ ।
२. विवाह रेखा हृदय रेखासंग बराबर चलेमा यसलाई महत्वपूर्ण मानीन्छ ।
३. एकभन्दा बढि विवाह रेखा बनेको भए धेरै प्रेम प्रसंग हुन सक्छ ।
४. विवाह रेखाबाट दुई शाखा निस्किएको भए यस प्रकारका व्यक्तिको विवाह टुट्न सक्छ ।
५. यदि विवाह रेखा नजिकै अन्य कुनै चिन्ह बनेको छ भने विवाहमा धोका हुनसक्छ ।
६. यदि विवाह रेखा झुकेको छ भने यो शुभ लक्षण मानिदैन ।
७. विवाह रेखा लामो र सूर्य पर्वतसम्म छ भने सम्पन्न र समृद्ध जीवन साथीको प्रतिक हो ।
८. विवाह रेखाबीचमा टूटेको छ भने विवाह टूट्ने संकेत मानिन्छ ।
९. विवाह रेखा माथी फर्किएको छ भने अविवाहित हुने वा विवाहमा समस्या आउन सक्छ ।
१०. विवाह रेखामा त्रिशूल चिन्ह छ भने पतिपत्नीबीच निकै प्रेम हुन्छ ।
११. विवाह रेखामा क्रस चिन्ह शुभ मानिदैन ।
१२. यदि विवाह रेखामा कोठी आएको छ भने समेत यसलाई शुभ संकेत मानिदैन ।