बलिउड अभिनेता सुशान्त सिंह राजपुतको निधन भएको अब चार महिनाभन्दा बढी भइसकेको छ । तर, यस विषयमा भारतमा अहिले पनि चर्चा जारी छ ।
नहोस् पनि किन दैनिक यस विषयमा नयाँ नयाँ खुलासा भइरहेको छ ।
अब त मुम्बई प्रहरीले बम्बे उच्च अदालतमा सुशान्तकी बहिनीविरुद्ध उजुरी दिएको छ । प्रहरीले आफ्नो कर्तव्य भएकाले यो गरेको बताएको छ ।
खासमा सुशान्तकी गर्लफ्रेन्ड भनिएकी रिया चक्रवर्तीले सुशान्तका बहिनीहरु प्रियंका र मितूविरुद्ध उजुरी दिएकी हुन् । उनीहरुले दाजुको मेडिकलसम्बन्धी गलत सन्देश दिएको र फर्जी बिलसमेत बनाएको आरोप उनले लगाएकी छिन् ।
मुम्बई प्रहरीले यसमा आफूलाई सिबिआइले चाहिँ असहयोग गरेको पनि बताएको छ ।
रियाले नै उजुरी दिएपछि यो घटनामा थप नयाँ मोड आउन सक्ने भारतीय मिडियाहरुले उल्लेख गरेका छन् ।
प्रकाशित मिति स् १९ मिनेट अघि,