अछाम । जिल्लाको चौरपाटी गाउँपालिकाका कासिराम साउँदले गाउँमा राष्ट्रिय प्रसारण लाइन बिस्तार भएर यसरी बस्ती झलमल होला भनेर कल्पना समेत गरेका थिएनन । वडा नम्बर १ खान्डाँडाँ टोलकाvकरिब ७० बर्षिया साउँदले अहिले यसरी आफ्नै गाउँमा बत्ती बलेको देख्न पाउँदा उनको खुसीको सिमा छैन ।
बर्षले ७० कटेका साउँद विगत देखि सामाजिक कार्य र राजनिती गर्दै आएका थिए । आफु राजनिती गर्दै आएपनि आफुले यसरी गाउँमा बत्ती पुग्ला भन्ने कल्पना समेत नरेको उनी बताउँछन । बर्षौ देखि अन्धकारमा बस्न बाध्य भएका नागरिकहरु अहिले गाउँमा बत्ती पुगेपछि घरमा वाईरिङ्ग गर्ने काममा व्यस्त छन भने कतिपय नागरिकहरुले घर झिलिमिलि बनाई सकेका छन ।
पहिले गाउँबाट सदरमुकाममा बत्ती बलेको देख्दा हाम्रो गाउँमा कहिले विजुली पुग्ला भन्ने लग्थ्यो,’उनले भने,‘तर अहिले आफ्नै गाउँमा बत्ती बाल्न पाउँदा खुशी लागेको छ ।’ देश संघियता गएपछि जनताले सोचे अनुसार नै विस्तारै काम भईरहेको उनको भनाई छ । देशमा संघियता आएकै कारण आफ्नो टोलमा विजुली पुगेको उनी बताउँछन । बर्षौ देखि अन्धकारमा बस्न बाध्य जनतालाई उज्यालो दिएको भन्दै उनले गाउँपालिकाका अध्यक्ष लगायत सम्बन्धी व्यक्तिहरुलाई धन्यवाद दिए ।
यस्तै अर्का करिब ८० बर्षिय समाजसेवी डम्मर साउँदले पनि विगतका कुरा सम्झीदै गाउँमा विजुली पुग्दा अच्मीत भएको बताए । पहिलेको समयमा आफुले सल्लाको झोरो बालेर उज्यालो बाल्ने गरेको उनी सुनाउँछन । तर अहिले आएर हरेकको घर–घरमा उज्यालो सँगै खुशी छाएको बताए । आफ्नो समयमा पढ्न समेत रातीको समयमा सल्लाको झोरो बाल्नु परेको उनले दुखेसो पोखे ।
अब गाउँमा विजुली पुगेसँगै विद्यार्थीहरुलाई रातीको समयमा पढ्न देखि लिएर विभिन्न यन्त्र उपकरण प्रयोग गर्न समेत सजिलो हुने उनको विश्वास छ । यसैगरी अर्का समाजसेवी फुत्ति साउँदले पनि गाउँमा विद्युत पुगेसगै धेरै कामहरु गर्न सजिलो हुने भन्दै खुशी व्यक्त गरेका छन । अब नागरिकहरुले विजुलीको सहि सदिपयोग गरेर फाईदा लिन सक्ने उनले विश्वास व्यक्त गरे ।
गाउँपालिकाको पहलमा दुर्गम बस्तीमा बिजुली बलेपछि महिला, बालबालिका र बृद्धबृद्धाहरु दंग परेका छन । गाउँमा बिजुली नभएकाले पहिले मोबाइल चार्ज गर्न बजार वा अन्य सोलार भएको व्यक्तिको घर सम्म धाउनु पर्ने बाध्यता थियो ।
अब त्यो बाध्यताको अन्त्य भएको भन्दै उनीहरु खुशी छन । यसैगरी गाउँपालिका आफ्नो क्षेत्र भित्र पर्ने ठाउँहरुमा विद्युत स्तिार गर्ने काममा धमाधम लागि परेको छ ।