दुःखद खबरः हङकङको एक नेपाली रेस्टुरेन्टमा आगलागी हुदा ७ को मृत्यु, अधिकारीहरूका अनुसार अधिकांश नेपाली

धनगढी खबर    

दुःखद खबरः हङकङको एक नेपाली रेस्टुरेन्टमा आगलागी हुदा ७ को मृत्यु, अधिकारीहरूका अनुसार अधिकांश नेपाली
फाइल फोटो

हङकङ : हङकङको एक रेस्टुरेन्टमा आइतबार राति आगलागी हुँदा कम्तिमा ७ जनाको मृत्यु भएको छ। जसमध्ये अधिकांश नेपाली रहेको अधिकारीहरूले बताएका छन्।

अन्तर्राष्ट्रिय सञ्चारमाध्यमका अनुसार एक ९ वर्षीय बालकसहित ७ जनाको मृत्यु भएको हो।

मृत्यु हुनेमा ४ पुरुष र ३ जना महिला रहेका छन्। मृत्यु हुनेमा ९ देखि ४० वर्षका रहेका छन्। त्यस्तै गम्भीर अवस्थामा ३ पुरुष र ४ महिलाको अस्पतालमा उपचार भइरहेको साउथ चाइना मर्निङ पोस्टले उल्लेख गरेको छ। 

यसैगरी अन्य दुई जनाको समेत अवस्था गम्भीर रहेको जनाइएको छ। घाइते १८ मध्ये केही भने उपचारपछि डिस्चार्ज भएका छन्।

अधिकारीहरूका अनुसार क्यान्टोन रोडस्थित याउ मा तेइ गल्लीमा रहेको नेपालीले सञ्चालन गरेको रेस्टुरेन्टमा आगलागी भएको हो। आगलागी जन्मदिन मनाउने क्रममा बालिएको मैनबत्तीबाट भएको अधिकारीहरूले बताएका छन्। -अन्नपुर्णपोष्टबाट



सोमबार ०१, मङि्सर २०७७ ०९:१७ मा प्रकाशित

#हङकङ # नेपाली रेस्टुरेन्टमा आगलागी #आगलागी

हाल बढ्दै गइ रहेको कोरोन संक्रमण रोक्न सरकार ले आगामी दिन मा के गर्न उचित होला?

Loading...

प्रतिकृया दिनुहोस