बितेका कुराहरू बिर्सिउँ भन्छु झनझन सम्झिन्छन।
सम्झिनु पर्ने मित्रलाई साथीहरू दुस्मन सम्झिन्छन।
उसले जहिले आफ्ना कुरा गर्छ कराउँछ मन्चबाट,
अचम्म छ साथीहरूले त्यसैलाई गर्जन सम्झिन्छन।
रातामान्छेहरू हो यो झण्डा त्यति सस्तो हुँदै होइन,
रातो देख्यो कि साथीहरू केवल कफन सम्झिन्छन।
मित्र विगतका कुरा नगरौ सबैसंँग सुरक्षीत छ भन्छु।
कोहि जेल सम्झिन्छन कोहि जङ्गल वन सम्झिन्छन।
आफू जहिल्यै स्वार्थमा लिप्त हुने मान्छेलाई सायद,
लाग्छ सब उस्तै हुन हाम्रा कुरा त गनगन सम्झिन्छन।
हाम्रो जवानी लुटेका लुटेराले भविष्यका कुरा गर्छन,
केही साथीहरू त्यसैलाई आशिष-वचन सम्झिन्छन।
मुग्लानको यात्रा जारी छ विचरा सर्वहाराको नियती,
छोडी हिडछन जसलाई आफ्नो धड्कन सम्झिन्छन।
२०७७/९/२४ महेन्द्रनगर