सुदूरपश्चिम प्रदेशका मुख्यमन्त्री त्रिलोचन भट्टले प्रतिनिधि सभा विघटन गरीनु असाध्यै दुःखद् कुरा भएको बताएका छन् ।
कैलालीको गोदावरीमा मंगलबार प्रदेश समन्वय परिषद्को बैठक उद्घाटन गर्दै उनले संविधानमा हुँदै नभएको कुरालाई प्रयोग गरेर प्रतिनिधि सभा भङ्ग गरिएको बताए । ‘यो संवैधानिक हुँदै होइन । राम्रो कुरा होइन । असाध्यै दुःखद् कुरो हो’, उनले भने ।
नेपाली जनताको विश्वासको धरोहर न्यायालय रहेकाले प्रतिनिधि सभा विघटनको सवालमा सर्वोच्च अदालतले जनतालाई न्याय दिने उनले विश्वास व्यक्त गरे ।