तपाईलाई छोरी-बुहारी केटाकेटीको चिन्ता छ।
सधैंभरी घोचपेच र घचेटा-घचेटीको चिन्ता छ।
समृद्धि त आएर गएछ सायद चालै पाएन मैले,
मलाई भाडा माग्न आउने घरबेटीको चिन्ता छ।
तपाईं हावामा बसेर हावाकै कुरा मात्र गर्नुहुन्छ,
म सडकमै बस्छुँ मलाई सडकपेटीको चिन्ता छ।
बेकारको रोइलो गर्छन साथीहरू के भन्ने होला,
कसैलाई कुर्सीको कसैलाई पलेटीको चिन्ता छ।
पण्डितहरू घरीघरी आँखा डुलाउँछन रे म तिर,
कसैलाई दक्षिणाको कसैलाई भेटीको चिन्ता छ।
२०७७/१०/४ महेन्द्रनगर