सुदूरपश्‍चिमका ४ जिल्लामा एन्टिजेन विधिबाट परीक्षण सुरु

धनगढी खबर    

सुदूरपश्‍चिमका ४ जिल्लामा एन्टिजेन विधिबाट परीक्षण सुरु

धनगढी । कोरोना संक्रमण दर पत्ता लगाउन सुदूरपश्चिम प्रदेश सरकारले चार जिल्लामा एन्टिजेन विधिबाट परीक्षण सुरु गरेको छ । प्रदेशको सामाजिक विकास मन्त्रालयका स्वास्थ्य महाशाखा प्रमुख नरेन्द्र कार्कीले कैलाली, कञ्चनपुर, डोटी र अछामका हटस्पट मानिएका गाउँ र वडामा एन्टिजेन परीक्षण सुरु गरिएको बताए ।

‘समुदाय स्तरमा कोरोना संक्रमणको अवस्था आकलन गर्न यसले सघाउ पुग्छ,’ उनले भने । स्थानीय तहका प्रयोगशाला प्राविधिकलाई तालिम र किट उपलब्ध गराएर परीक्षण थालिएको उनले बताए । यसअघि कोरोना संक्रमण दर उच्च देखिए पनि अहिले घटेको उनको दाबी छ ।

‘विश्वभर संक्रमण दर घटेको प्रभाव हामीमा पनि परेको हुन सक्छ तर जोखिम घटेको छैन,’ उनले भने, ‘सतर्कता र सावधानी बढाउन जरुरी छ ।’ प्रदेश स्वास्थ्य निर्देशक डा। गुणराज अवस्थीले एन्टिजेन विधिबाट एक घण्टामै परीक्षण रिपोर्ट आउने र अभियान सञ्चालन गरिएका सबै क्षेत्रको संक्रमण दर थाहा पाउन १० दिन लाग्ने बताए । स्वास्थ्य कार्यालय प्रमुख ललित धामीले कैलालीका १३ वटै स्थानीय तहमा एन्टिजेन परीक्षण सुरु भइसकेको जानकारी दिए ।

प्रदेश स्वास्थ्य निर्देशनालयका अनुसार अहिले सुदूरपश्चिमका चारवटा प्रयोगशालामा दिनमा बढीमा २ सय जनासम्मको पीसीआर परीक्षण भइरहेको छ, जसमध्ये औसत १०/१५ जनामा संक्रमण देखिने गरेको छ ।

प्रदेशमा हालसम्म १३ हजार ८ सय ९६ जनामा संक्रमण पुष्टि भएको छ । तीमध्ये मृत्यु हुनेको सख्या ५५ छ । मंगलबारसम्म १ हजार ५ सय १२ जना सक्रिय संक्रमित छन् । कान्तिपुरबाट



बिहिबार ०८, माघ २०७७ ०१:३६ मा प्रकाशित

हाल बढ्दै गइ रहेको कोरोन संक्रमण रोक्न सरकार ले आगामी दिन मा के गर्न उचित होला?

Loading...

प्रतिकृया दिनुहोस