दोहा– ईजरायलका लागि नेपाली राजदूत डाक्टर अञ्जना शाक्यले कोरोनाविरूद्धको पहिलो डोज खोप लगाएकी छन् ।खोप लगाउदै राजदूत शाक्यले हालसम्म ४० वर्ष वा सोभन्दा माथिका व्यक्तिहरुलाई खोप दिइरहेको भएपनि छिट्टै सबैलाई खोप दिने ईजरायल सरकारले निर्णय गर्न लागेको बताईन् ।
खोपका लागि स्वास्थ्य विमा अनिवार्य गरिएको सन्दर्भमा बीमा नगरेका सबै ईजरायलमा रहेका सम्पूर्ण नेपालीहरुलाई बीमा गर्न उनले अनुरोध गरेकी छिन् । यस अवसरका लागि सम्पूर्ण नेपालीहरुको तर्फबाट ईजरायल सरकारलाई उनले धन्यवाद समेत दिएकी छिन् ।
फाइजर र बायोएनटेक कम्पनीले निर्माण गरेको कोभिड–१९ विरुद्धको खोप अहिलेसम्म ईजरायलमा २५ लाख भन्दा बढीले लगाईसकेका छन्। पहिलो चरणमा बढी उमेरका तथा कोभिडविरुद्धको लडाइँमा फ्रन्ट लाइनमा काम गर्नेहरुलाई प्राथमिकताको सूचीमा राखिएको छ।
ईजरायलमा यो खोप नि:शुल्क लिनका लागि स्वास्थ्य विमा संस्थान) मा दर्ता हुनुपर्ने व्यवस्था रहेको छ । यसमा दर्ता भएकाहरुलाई उमेर हेरी स्वास्थ्य बीमा कम्पनीहरुले खोपका लागि सम्पर्क गर्ने गरेको त्यहाँस्थित नेपाली दूतावासले जनाएको छ ।