कञ्चनपुर । कञ्चनपुरको भीमदत्त नगरपालिकामा आफ्नै घरमा डेरा गरी बस्ने किशोरीलाई बलात्कार गर्न खोजेको आरोपमा घरबेटी पक्राउ परेका छन्।
कञ्चनपुर जिल्ला प्रहरी कार्यालयका अनुसार डेरावाल १७ वर्षीया किशोरीलाई बलात्कार प्रयास गरेको आरोपमा भीमदत्त नगरपालिका–३ का घरधनी पुष्पराज जोशीलाई प्रहरीले पक्राउ गरेको हो।
किशोरीका भाइ कोठामा नभएका बेला गत माघ १२ गते राति घरबेटी जोशीले किशोरीलाई बलात्कार प्रयास गरेको आरोप छ।
‘किशोरीको जाहेरीपछि अनुसन्धानका लागि घरबेटीलाई नियन्त्रणमा लिएका छौं, जिल्ला प्रहरी कार्यालयका प्रवक्ता प्रहरी निरीक्षक राजेश शाहीले भने, ‘अदालतबाट म्याद थप गरेर अनुसन्धान भइरहेको छ।’