देशभर विरोध गर्ने क्रममा विराटनगरमा पनि प्रतिनिधिसभा विघटनविरुद्ध नेपाली कांग्रेसका २० वटा भातृ संगठनहरुले वरोध प्रदर्शन आयोजना गरेका छन् ।
कर्मचारी, मजदुर, शिक्षक, पत्रकार, कानून व्यवसायी, स्वास्थ्यकर्मी लगायतका भातृ संगठनले आयोजना गरेको सो विरोध सभालाई सम्बोधन गर्दै सहभागीहरुले कम्युनिष्टहरु विभाजित भएको भन्दै द्विविधामा फस्न नहुने धारणा व्यक्त गरेका थिए ।
उनीहरुले अधिनायकवादी गतिविधिको विरुद्ध एक जुट भएर अघि बढ्न नेताहरुलाई आग्रह गर्दै संविधानलाई धरापमा पार्ने कार्यको विरोध हुनुपर्ने बताएका थिए । उनीहरुले दुई धारमा कांग्रेस बहकिन नहुने बताउदै अहिलेको राजनैतिक अवस्थामा एक जुट भएर विरोध गर्नुको विकल्प नभएको बताएका छन् ।
विरोध सभालाई सम्बोधन गर्र्र्दै युवा विद्यार्थी नेताहरुले सरकारमा जाने कार्यले कांग्रेसलाई थप क्षति हुनसक्ने भएकाले निर्वाचनबाट पहिलो पार्टी हुने अवसरको सदुपयोग गर्नुपर्ने धारणा व्यक्त गरेका थिए ।