धनगढी । सुदूरपश्चिम प्रदेशका मुख्यमन्त्री त्रिलोचन भट्टले पत्रकारलाई सहयोग गर्न प्रदेश सरकार तयार रहेको बताएका छन । नेपाल पत्रकार महासंघ सुदूरपश्चिम प्रदेश समितीको गोदावरीमा भएको दोस्रो साधारण सभामा मुख्यमन्त्री भट्टले यस्तो बताएका हुन ।
उनले प्रदेशको समग्र सञ्चार जगत तथा पत्रकारिता क्षेत्रलाई प्रदेश सरकारको तर्फबाट गर्नुपर्ने सम्पुर्ण सहयोग गर्न तयार रहेको धारणा व्यक्त गरे । “समग्र सञ्चार जगत तथा पत्रकारिता क्षेत्रलाई प्रदेश सरकारको तर्फबाट गर्नुपर्ने सहयोग के हुन ? कसरी गर्न पर्छ ? कुन तरिकाले गर्नु पर्छ ? हामी तयार छौँ,’उनले भने,‘कोरोना संक्रमणको समयमा पनि हामीले पत्रकारलाई सहयोग ग¥र्यौ ।”
उनले कोरोना महामारीको समयमा पत्रकार पनि अग्रपंक्तिमा खटिएर काम गरेको भन्दै प्रशंसा समेत गरेका छन । मुख्यमन्त्री भट्टले पत्रकारलाई जहिले पनि निश्पक्ष भएर कलम चलाउन आग्रह गरेका छन ।