क्यासेट टेपका निर्माता ल्यु ओटन्सको ९४ वर्षको उमेरमा निधन भएको छ। उनको यही हप्ता नेदरल्यान्डस्थित आफ्नै निवासमा निधन भएको उनको परिवारले बिहीवार जनाएका हुन्।
डच इन्जिनियर ओटन्सले सन् १९६० को दशकमा अडियो क्यासेट टेप बजारमा ल्याएका थिए। ओटन्सको अविस्कारले मानिसहरुबीच गीतसंगीत सुन्ने तरिका नै फेरिएको थियो।
फिलिप्स् डिपार्टमेन्टका प्रमुख भएको बेला उनको समूहले क्यासेट टेप आविस्कार गरेका हुन्। उक्त क्यासेट टेम सन् १९६२ मा भएको बर्लिन रेडियो इलेक्ट्रोनिक्स मेलाम पहिलोपटक प्रदर्शन गरिएको थियो। त्यसपछि केही समयमै संसारभर यसको बजार पुग्यो। बजारमा आए यता सय बिलियन क्यासेट टेप बिक्री भएको बताइएको छ।
ओटन्स् कम्प्याक्ट डिस्क विकासमा समेत सहभागी भएको बताइएको छ। त्यसैगरी सन् १९८२ मा उनले सिडी प्लेयरको प्रदर्शन गरेका थिए।