धनगढी । धनगढीको सनराइज होटलमा मृत भेटिएका व्यक्तिको परिचय खुलेको छ।
होटलको एउटा कोठाको सिलिङ पंखामा झुण्डिएको अवस्थामा मृत फेला परेका उनी धनगढी उप-महानगरपालिका १७, धुरजन्नाका ४३ वर्षीय तिलक भण्डारी रहेको कैलाली प्रहरीले जनाएको छ ।
जिल्ला प्रहरी कार्यालय कैलालीका सह प्रवक्ता प्रहरी निरीक्षक हिक्मत थापाका अनुसार भण्डारी २ दिनदेखि सो होटलमा बस्दै आएका थिए। अहिले शव होटलमै रहेको छ । घटनाबारे अनुसन्धान भइरहेको निरीक्षक थापाले बताए ।