भारतमा थपिए दुई लाखभन्दा बढी कोरोना संक्रमित, १ हजारभन्दा बढीको मृत्यु

एजेन्सी    

भारतमा थपिए दुई लाखभन्दा बढी कोरोना संक्रमित, १ हजारभन्दा बढीको मृत्यु

भारतमा लगातार दोस्रो दिन दुई लाखभन्दा बढीमा कोरोना भाइरसको संक्रमण देखिएको छ । भारतीय स्वास्थ्य मन्त्रालयका अनुसार पछिल्लो २४ घण्टामा २ लाख १७ हजार ३५३ जनामा संक्रमण देखिएको हो। यस्तै, १ लाख १८ हजार ३०२ जना संक्रमण मुक्त भएका छन्।

एक हप्तासम्म १ लाख भन्दा बढी संक्रमण देखिँदै गर्दा बिहीबार एकैदिन थपिने संक्रमितको संख्या २ लाख नाघेको थियो। यस्तै, शुक्रवार बिहानसम्म थप १ हजार १८५ जनाको कोभिड १९ संक्रमणका कारण मृत्यु भएको छ।

भारतमा संक्रमितको दरसँगै मृत्यु दर पनि बढ्दै गएको छ। गएको तीन दिनयता दैनिक १ हजारभन्दा बढीको मृत्यु भइरहेको छ।

भारतमा १ करोड ४२ लाख ९१ हजार ९१७ जनामा कोरोना संक्रमण पुष्टि हुँदा १ लाख ७४ हजार ३०८ जनाको मृत्यु भइसकेको छ। हाल भारतभर १५ लाख ६९ हजार ७४३ सक्रिय कोरोना संक्रमित रहेका छन्।



शुक्रबार ०३, बैशाख २०७८ ११:२० मा प्रकाशित

हाल बढ्दै गइ रहेको कोरोन संक्रमण रोक्न सरकार ले आगामी दिन मा के गर्न उचित होला?

Loading...

प्रतिकृया दिनुहोस