भारतमा कोरोनाबाट एकैदिन अहिलेसम्मकै धेरै संक्रमित थपिएका छन्। वर्ल्डोमिटरका अनुसार पछिल्लो २४ घन्टामा भारतमा २ लाख ९४ हजार बढी संक्रमित थपिएका छन्। सोही अवधिमा २ हजार बढीको मृत्यु भएको तथ्यांकमा उल्लेख छ।
अघिल्लो दिन भारतमा २ लाख ५६ हजार संक्रमित थपिएका थिए भने १७ सय बढीको मृत्यु भएको थियो। भारतमा पछिल्लो समय विश्वकै सबैभन्दा धेरै संक्रमित थपिएका छन्। जसका कारण भारतका विभिन्न राज्यमा लकडाउन गरिएको छ।