दिल्ली । पछिल्लो २४ घण्टामा भारतमा कोरोनाभाइरसको संक्रमणबाट ३ हजार ५ सय ११ जनाको मृत्यु भएको छ । १ लाख ९६ हजार ४ सय २७ जना नयाँ संक्रमित थपिएका छन् भने ३ लाख २६ हजार ८ सय ५० जना डिस्चार्ज भएका छन् ।
भारतमा कोरोना संक्रमण दर केहि दिनयता ओरालो लाग्दै आएको छ भने मृत्युदरमा भने कमी आएको छैन । भारतमा कूल संक्रमित हुनेको संख्या २ करोड ६९ लाख भन्दा बढी रहेको छ भने २ करोड ४० लाखभन्दा बढी संक्रमणमुक्त भएका छन् ।
यहाँ ३ लाख ७ हजार २ सय ३१ जनाको मृत्यु भइसकेको छ भने २५ लाख ८६ हजार ७ सय ८२ जना संक्रिय संक्रमित रहेका छन् ।