जम्मू कश्मीर क्षेत्रको रिसी जिल्लास्थित माता वैष्णो देवी मन्दिरमा भीषण आगलागी भएको छ । मंगलबार साँझ अचानक मन्दिरमा आगलागी भएको हो ।
मन्दिरको भवनमा विद्युतीय लाइन सर्ट भइ आगलागी भएको बताइएको छ । आगो नियन्त्रणमा लिन अहिले सुरक्षाकर्मी र अग्नि नियन्त्रक टोली खटिएको छ ।
आगोबाट भवन ध्वस्त भए पनि मानवीय क्षति नभएको बताइएको छ । आगलागीको भिडियो सामाजिक सञ्जालमा भाइरल बनेको छ । स्थानीय समय अनुसार मंगलबार साँझ ५ बजे आगलागी भएको हो ।
एक दिनअघि सोमबार भारतको महाराष्ट्रस्थित पुणेमा एउटा सेनिटाइजर उत्पादक कारखानामा आगलागी हुँदा १४ जनाको मृत्यु भएको थियो ।