सर्वोच्चले भन्यो, ‘साढे १३ लाख ज्येष्ठ नागरिकलाई यथाशीघ्र कोरोनाविरुद्धको दोस्रो डोज खोप दिनु’

धनगढी खबर    

सर्वोच्चले भन्यो, ‘साढे १३ लाख ज्येष्ठ नागरिकलाई यथाशीघ्र कोरोनाविरुद्धको दोस्रो डोज खोप दिनु’

 सर्वोच्च अदालतले कोरोनाविरुद्धको कोभिशिल्ड खोप लगाएका साढे १३ लाख ज्येष्ठ नागरिकलाई यथाशीघ्र दोस्रो डोज खोप दिन अन्तरिम आदेश जारी गरेको छ ।

मंगलबार न्यायाधीश ईश्वर खतिवडाको इजलासले कोभिशिल्डको पहिलो डोज लगाएका ६५ वर्ष नाघेका ज्येष्ठ नागरिकलाई यथाशीघ्र दोस्रो डोज खोपको व्यवस्था गर्न अन्तरिम आदेश दिएको हो । विश्व स्वास्थ्य संगठनका अनुसार कोभिशिल्ड खोपको पहिलो डोज लगाएको ८ देखि १२ हप्तासम्ममा दोस्रो डोज खोप लगाइसक्नुपर्ने छ ।

गत फागुनमा नेपालका ६५ वर्षमाथिका साढे १३ लाख ज्येष्ठ नागरिकले पहिलो डोज खोप लगाएका थिए, तर १२ हप्ता नाघिसक्दा पनि दोस्रो डोज खोप कहिले लगाउने भन्ने सुरसार नै छैन ।

अर्जुनराज गिरीलगायतले सर्वोच्च अदालतमा ज्येष्ठ नागरिकलाई खोप माग्दै रिट दायर गरेका थिए । सर्वोच्चले सोही रिटमा सुनवाइ गर्दै सरकारका नाममा कारण देखाउ आदेश र तत्काल खोप उपलब्ध गराउन अन्तरिम आदेश दिएको हो ।



मङ्गलबार ०८, असार २०७८ ०३:४४ मा प्रकाशित

नेकपा एमाले भित्रको किचलोमा को बढी दोषी ?

Loading...

प्रतिकृया दिनुहोस