विपद् जोखिम न्यूनीकरण तथा व्यवस्थापनको लागी आवश्यक तयारी गरेका छौँः नगरप्रमुख साउद

विपद् जोखिम न्यूनीकरण तथा व्यवस्थापन

समीर भट्ट    

विपद् जोखिम न्यूनीकरण तथा व्यवस्थापनको लागी आवश्यक तयारी गरेका छौँः नगरप्रमुख साउद

धनगढी | जलवायुमा आइरहेको प्रभाव पश्चात् अहिले मनसुन पनि सुरु भइसकेको छ । कैलाली जिल्लामा पनि बर्सातमा हुन सक्ने विपद् जोखिम न्यूनीकरण तथा प्रतिकार्यको लागि सबै अङ्गलाई उच्च सतर्कतामा राखिएको छ। जिल्लामा बर्सेनि बाढी पहिरोले धनजनको ठुलो क्षति हुँदै आएको र चालु वर्षको मौसम पूर्वानुमान गरी सबै निकाय तथा अङ्गलाई हाई अलर्टमा राखिएको बताइएको छ ।

मनसुन सुरु भएसँगै कैलालीको गोदावरी नगरपालिका लगायतका कैलालीका पालिकाहरू नागरिकको सुरक्षा र विपद् न्यूनीकरणका लागि पूर्व तयारी थालेको छन् । वर्षाको समयमा बाढी, डुबान, नदी कटान जस्ता प्राकृतिक विपद् आइपर्ने हुँदा जोखिम न्यूनीकरणको पूर्व तयारी थालिएको गोदावरी नगरपालिकाका नगर प्रमुख हरिसिंह साउदले बताउनु भएको छ ।

नगर प्रमुख हरिसिंह साउदले विपद् जोखिम न्यूनीकरण तथा व्यवस्थापन प्राधिकरण निर्देशनअनुरूप आम नागरिकको जीवन रक्षाका लागि नगरपालिका सचेत रहेको बताउँदै नागरीकहरुले विपद् सँग र वर्षामा हुनसक्ने समस्याहरू को सामना गर्न नगर बासीहरूले पनि चनाखो र सजग भएर बस्न आग्रह गर्नुभएको छ ।

नगरप्रमुख साउदले भन्नुभयो, ‘गोदावरी नगरपालिकाले विपद् व्यवस्थापनको निम्ति आवश्यक बजेट छुट्याको छ । गोदावरी नगरपालिकामा पर्ने पहाडी वडाहरू लगायत सबै वडाहरूमा विपद् व्यवस्थापनको लागी आवश्यक पर्ने सामग्रीहरुपनि वितरण गरेका छौँ । हामी सुरक्षा निकाय सँगको समन्वयमा तम्तयार अवस्थामै छौँ । उहाँले भन्नुभयो ।

साथै बर्खाको समयमा सचेत रहन पनि आग्रह गर्नु हुँदै, ‘अहिले विभिन्न समस्याहरू आउन सक्छन् त्यस्तो समस्या पर्ने नदी तथा तटीय क्षेत्रका नागरिकहरूलाई अहिले बाट नै सजग भएर बस्न आग्रह गर्नुभएको छ ।



मङ्गलबार ०८, असार २०७८ १०:४१ मा प्रकाशित

#गोदावरी नगरपालिका

नेकपा एमाले भित्रको किचलोमा को बढी दोषी ?

Loading...

प्रतिकृया दिनुहोस