कतारमा आगामी सोमबारबाट लागु हुने गरी क्वारेन्टाइन सम्बन्धि नयाँ नियम लागु गरिएको छ । नयाँ नियम अनुसार कतारमा कोरोना विरुद्धको खोपको दुबै डोज लगाइसकेकाले कतार पुगेपछि होटेल वा होम क्वारेन्टाइन बस्नु नपर्ने भएको छ ।
त्यसैगरी कतारमा मान्यता प्राप्त फाइजर, मोर्डेना, जोन्सोन एन्ड जोन्सोन, एस्ट्राजेनिका नेपालमा लगाएको भएपनि क्वारेन्टाइन बस्नु नपर्ने बताइएको छ । पछिल्लो ९ महिनाको अन्तरालमा कसैलाई कोरोना संक्रमण भएको तर उसले कतारमा मान्यता प्राप्त खोपको एक डोज मात्रै लगाएको भएपनि होटेल क्वारेन्टाइन बस्नु नपर्ने भएको छ ।
तर कतारमा मान्यता प्राप्त नभएको सिनोफर्म, भेरोसेल, कोभिसिल्डआदि लगाइसकेको भए १० दिन होटल क्वारेन्टाइन भने बस्नु पर्ने नियममा बताइएको छ । नेपाललाई कतारले हालसम्म रेड जोनको सुचीमै राखेको छ ।