धनगढी । सोमबार सेती प्रादेशिक अस्पतालको प्रयोगशालामा ४८ जनामा कोरोना भाइरस परीक्षण पुष्टि भएको छ । उक्त प्रयोगशालामा २६९ नमूनाको परीक्षण गर्दा ४८ जनामा संक्रमण पुष्टि भएको अस्पतालका सूचना अधिकारी दिलिपकुमार श्रेष्ठले जानकारी दिए । यस्तै २२१ जनाको रिपोर्ट निगेटिभ आएको छ ।
पछिल्लो २४ घण्टामा अस्पतालबाट ५ जना डिस्चार्ज भएका छन् भने थप ४ जना नयाँ संक्रमित भर्ना भएका छन्। हाल अस्पतालमा २४ जना संक्रमित उपचाररत छन्। जसमध्ये ३ जना आईसीयू, १३ जना अक्सिजनको सर्पोटरमा उपचाररत छन भने ८ जनाको अवस्था भने सामान्य रहेको सूचना अधिकारी श्रेष्ठले बताए।