जापानले कोभ्याक्स सुविधामार्फत उपलब्ध गराएको ५ लाख ५९ हजार ३६० डोज एस्ट्राजेनेका खोप नेपाल आइपुगेको छ । जापानबाट करिब १६ लाख डोज एस्ट्राजेनेका खोप नेपाल आइसकेको छ ।
जापानले दिएको १६ लाख डोज एस्ट्राजेनेका खोपमध्ये गत साउनमा ९ लाख डोज खोप नेपाल आएको थियो । ५ गते २ लाख ८ हजार ७ सय डोज खोप आएको थियो ।
व्यवस्थापन महाशाखाका अनुसार १६ लाखमध्ये साउनमा आएको ९ लाख खोप चैतमा कोभिसिल्डको पहिलो मात्रा लगाएका ६५ वर्षमाथिका नागरिकलाई लगाइएको छ ।
अहिले आएको खोप प्रदेश १ र २ मा कोभिसिल्डको पहिलो मात्रा लगाएका नागरिकलाई दिइने बाल स्वास्थ्य तथा खोप शाखा प्रमुख डा झलक शर्माले जानकारी दिए ।