प्रिमियर लिगमा आज चेल्सीले लिभरपुलको सामना गर्दैछ । चेल्सीले मार्चमा लिभरपुललाई उसैको मैदानमा १-० ले पराजित गरेकोे थियो ।
चेल्सीले एन्फिल्डमा भएको गत १२ लिग र कप प्रतियोगितमध्ये सबै खेलमा गोल गर्न सफल भएको छ ।
घरेलु मैदानमा हुने खेलमा चेल्सीलाई पराजित गर्दै चार सिजनमा लगातार सुरुवाती तिन खेल जित्ने रेकर्ड राख्ने लक्ष्यमा लिभरपुल देखिएको छ ।
यस्तै चेल्सी भने आफ्नो ४ सिजनको सुरुवाती तिन खेलमा एक गोल पनि नखाने दाउमा रहेकोे छ । गत सिजन क्लोपको लिभरपुलले सिजनको ७ खेलमा निरन्तर जित दर्ता गराएको थियोे । चेल्सीका लागि यस सिजन गरिएको पाँच गोल फरकफरक खेलाडीले गरेका छन् ।
ट्युचेलले आफ्नो प्रशिक्षण करियरको १५ खेलमा योर्गन क्लोपको टिमविरुद्ध हार बेहोरेका छन् ।
चेल्सीका लागि कान्टेले लिभरपुलविरुद्ध सिजनकोे पहिलो खेल खेल्ने सम्भावना रहेको बताइएकोे छ । आज सेसर अज्पिलीक्युटाले प्रिमियर लिगमा आफ्नो ३०० औं खेल खेल्दैछन् । चेल्सी र लिभरपुलबिचको खेल नेपाली समयअनुसार आज राती १०ः१५ बाट लिभरपुलकोे घरेलु मैदान एन्फिल्डमा हुनेछ ।