विश्वभर कोरोनाका कारण ४६ लाख बढिको मृत्यु, एक लाख बढि संक्रमित सिकिस्त

धनगढी खबर    

विश्वभर कोरोनाका कारण ४६ लाख बढिको मृत्यु, एक लाख बढि संक्रमित सिकिस्त
फाइल तस्विर

विश्वभर कोरोना भाइसको संक्रमणले मृत्यु हुनेको संख्या ४६ लाख नाघेको छ ।

पछिल्लो २४ घण्टामा ९ हजार ६९३ जनाको मृत्यु भएसँगै कोरोनाले ज्यान गुमाउनेको संख्या ४६ लाख ८ हजार ६९१ पुगेको छ ।

पछिल्लो २४ घण्टामा ५ लाख ९५ हजार ७६१ जना संक्रमित भएका छन् । योसँगै  विश्वभर संक्रमितको संख्या २२ करोड ३३ लाख ७५ हजार ८८९ पुगेको छ ।

होम तथा संस्थागत आइसोलसनमा रहने सक्रिय संक्रिमतको संख्या १ करोड ८८ लाख ७८ हजार १७५ छ । यसमध्ये १ लाख ३ हजार ९९१ जनाको अवस्था गम्भीर रहेको वर्ल्डोमिटर्सले जनाएको छ ।

यस्तै पछिल्लो २४ घण्टामा ६ लाख ९ हजार ८०४ जना संक्रमणमुक्त भएका छन् ।  योसँगै विश्वभर संक्रमण जित्नेको संख्या १९ करोड ९८ लाख ८९ हजार २३ पुगेको छ ।

खोपको विकासपछि विश्वभर जारी खोप अभियानले महामारी नियन्त्रण र मृत्युदरमा केही कमी ल्याए पनि खोपको समान वितरण हुँन नसक्दा अझै महामारी नियन्त्रणमा आउन सकेको छैन ।

बहुसंख्यक नागरिकलाई खोप लगाइएपछि विश्वको सबैभन्दा प्रभावित संयुक्त राज्य अमेरिकामा संक्रमण लगभग नियन्त्रणमा आइसकेकोमा फेरि महामारी बढ्न थालेको छ ।

पछिल्लो २४ घण्टामा त्यहाँ १ लाख ५७ हजार ४९६ जनामा संक्रमण भएको छ । यस्तै थप १ हजार ६९५ जनाको मृत्यु भएको छ । योसँगै अमेरिकामा ६ लाख ७१ हजार १५३ जनाको मृत्यु भइसकेको छ ।

यसैगरी ब्राजिलमा ५ लाख ८४ हजार ४५८ जनाको मृत्यु भएको छ । दोस्रो लहरले अति प्रभावित मुलुक भारतमा भने संक्रमण घटेको छ । दैनिक ४ लाखसम्म संक्रमण देखिएको भारतमा अहिले दैनिक औषत ३५ हजार संक्रमित देखिन थालेका छन् । भारतमा बिहीबार बिहानसम्म ४ लाख ४१ हजार ७८२ संक्रमितको मृत्यु भएको छ ।

 


बिहिबार २४, भदौ २०७८ ०७:४९ मा प्रकाशित

नेकपा एमाले भित्रको किचलोमा को बढी दोषी ?

Loading...

प्रतिकृया दिनुहोस