बाजुरा । बाजुरामा दुई दिनदेखि परेको अविरल वर्षाका कारण चाम्डेबगर लघु जलविद्युत् आयोजनामा क्षति पुगेको छ । बाढीले विद्यत् आयोजनाको नहर बगाएर सेवा अवरुद्ध हुँदा सिङ्गो गाउँ नै अँध्यारोमा बस्न बाध्य भएका छन् । बाढीले दर्जनौं स्थानमा अन्नबालीदेखि भौतिक संरचनामा क्षति पुर्याएको छ ।
मुसलधारे वर्षाका कारण बुढीनन्दा र बुढीगङ्गा नगरपालिका, जगन्नाथ र खप्तड छेडेदह गाउँपालिका क्षेत्रमा बढी क्षति पुगेको छ । छेडेदह गाउँपालिका– ६ मैतोलामा बस्ने हेमन्तनाथ, मनेनाथ, चन्द्रनाथलगायत स्थानीयबासीका खेतबारी र अन्नबाली सबै बगाएको छ ।
वर्षाका कारण केही घरमा समेत क्षति पुगेको छ । वर्षाकै कारण क्षति पुगेको साँफे –मार्तडी सडक चार महिनादेखि सञ्चालनमा आउन सकेको छैन ।