काठमाडौंस्थित नारायणहिटी दरबार संग्रहालयमा श्रीपेच चोर्न खोजेको आरोपमा एकजना पक्राउ परेका छन् ।पक्राउ पर्नेमा पश्चिम रुकुमका खीमबहादुर घर्ती छन् । उनी आज बिहान टिकट काटेर नारायणहिटी संग्रहालय छिरेका थिए ।
उनले संग्रहालयको श्रीपेच कक्षमा रहेको खुकुरीले सिसा फुटाउन खोजेका थिए । ‘म राजा बन्छु’ भन्दै सिसा फुटाएर श्रीपेच भएको स्थानमा जान लाग्दा सुरक्षाकर्मीले उनलाई नियन्त्रणमा लिएका हुन् ।
घटनाबारे थप अनुसन्धान भइरहेको छ ।