जनता समाजवादी पार्टी (जसपा) का संघीय परिषद् अध्यक्ष डा. बाबुराम भट्टराईले नेकपा एमालेका सांसदहरूलाई राजीनामा दिन चुनौती दिएका छन् । संसदलाई दुईपटक विघटन गर्ने एमालेलाई संसदमा आउन समेत लाज हुनुपर्ने टिप्पणी गरेका छन् ।
सोमबार प्रतिनिधिसभा बैठकबाट बाहिरिने क्रममा उनले नैतिकताको प्रश्न उठाउँदै एमालेका सांसदहरूले संसद अवरुद्ध पारेर नभइ राजीनामा गरेर जनताको बीचमा जानुपर्ने प्रतिक्रिया दिए ।
सर्वोच्चको फैसला नमान्ने एमालेले संविधानको सर्वोच्चता र संसदीय मर्यादाको कुरा गर्न नसुहाउने उनको दाबी छ ।
भट्टराईले एमालले आफैंले विघटन गरेको संसदमा अवरोध सृजना गरेर निर्लज्जताको पराकाष्ठा देखाएको उल्लेख गर्दै त्यसबारे आफूले थप टिप्पणी गर्न नचाहेको समेत बताए ।