धनगढी । धनगढीस्थित सेती प्रादेशिक अस्पतालमा कञ्चनपुरका एक कोरोना संक्रमितको मृत्यु भएको छ । जिल्लाको भिमदत्त नगरपालिका वडा नम्बर ७ का ८४ वर्षीय वृद्धको कोरोनाका संक्रमणका कारण बिहीवार मृत्यु भएको जिल्ला प्रहरी कार्यालय कैलालीले जनाएको छ ।
स्वास प्रश्वासमा समस्या देखिएपछि उनलाई उपचारको लागि महाकाली अस्पताल कञ्चनपुरमा लगिएको थियोे । त्यहाँ पिसिआर चेकजाँच गर्दा रिपोर्ट पोजेटिभ आएपछि आफन्तहरुले थप उपचारको लागि उनलाई बुधवार सेती प्रादेशिक अस्पतालमा ल्याएका थिए ।
उनको उपचारका क्रममा आज सेती प्रादेशिक अस्पतालमा मृत्यु भएको प्रहरीले जनाएको छ ।