धनगढी । सदरमुकाम चैनपुर जोड्ने जयपृथीबी राजमार्ग अन्तर्गत बझाङको बित्थडचिर गाउँपालिकाको मुख्य बजारमा सडकको हिलाम्मे अवस्थाले यहाँका नागरिकले सास्ती झेल्दै आएका छन् ।
मूल सडक हिलाम्मे भए पछि आवतजावत गर्न ठुलै सास्ती हुने गरेको र झण्डै ७ महिना पुग्दा पनि स्थानीय सरकारको कुनै ध्यान नगएको स्थानीय बासीहरू बत्ताउँछन् ।
गाउँ-गाउँमै सिंहदरबारको अनुभूति दिलाउने सरकारले देउलेख बजारको मुटु मानिने मुख्य बजार र गाउँपालिका सँगै जोडिएको उक्त सडक खण्डको यस्तो अवस्था हुँदा पनि कुनै चासो र चिन्ता नदेखाउँदा दिनहुँ यहाँका नागरिकले सास्ती झेलिरहनु परेको छ ।
सडकको यस्तो हिलाम्मे अवस्थाले स्थानीय बासिलाई हिँडडुल गर्न मात्र नभई दैनिक जसो आवतजावत गर्ने सवारी साधनलाई समेत आवतजावतमा समस्या हुने गरेको छ ।