कञ्चनपुर । महेन्द्रनगर बजार क्षेत्रबाट लागु औषध सहित तीन जना पक्राउ परेका छन। शुक्रबार भीमदत्त नगरपालिका ४ बजार १८ बागबाणी क्षेत्रबाट तीन युवकलाई लागु औषध सहित पक्राउ गरेको हो।
गल्ली नम्बर १ स्थित कञ्चन सेकुवा होटल पछाडी क्षेत्रबाट भीमदत्त नगरपालिका १५ का मनोज शाहु, १८ का बिनो धामीलाई पक्राउ गरिएको छ। उनीहरुको साथबाट ५ एमफुल फिनारगन, ५ एमफुल रेक्सोजिसिक, ४ एमफुल डाइनोप्याम बरामद गरिएको प्रहरीले जनाएको छ।
भीमदत्त नगरपालिका १८ बागवाणी क्षेत्रबाट धमर नेपालीको साथबाट २४ एमफुल फिनारगन, २४ एमफुल रेक्सोजेसिक, र १० एमफुल डाईनोप्याम बरामद गरिएको छ। बरामद गरिएको लागु औषध र तीन जनलाई थप कार्बाहीका लागि जिल्ला प्रहरी कार्यालयको हिरासतमा पठाईएको छ ।