कञ्चनपुर। महाकाली नदीमा फसेका कञ्चनपुरको भीमदत्त नगरपालिका–९ मुसेट्टिका पाँच जनाको उद्दारका लागि हेलिकोप्टर पुनः महेन्द्रनगरबाट उडेको छ । प्रतिकुल मौसमका कारण यसअघि फिर्ता भएको हेलिकोप्टर पुनः त्यस तर्फ उडेको हो ।
कुखुरा फार्ममा कुरुवा बस्न गएका भीमदत्त नगरपालिका ९ मुसेट्टिका एकै परिवारका ५ जना हिजो राति देखि फसेका थिए ।महाकाली नदी र खहरे खोलामा बाढी आउँदा मुसेट्टिका ४५ वर्षीया दीर्घमती खड्का, ३५ वर्षीय पुष्कर नायक, ३२ वर्षीया शान्ती नायक,९ वर्षीय अशोक नायक र पाँच वर्षीय अजय नायक टापुमा फसेको जिल्ला प्रहरीकार्यालय कञ्चनपुरले जनाएको छ ।उनीहरु ज्यान जोगाउन चढेको रुख पनि ढल्ने अवस्थामा पुगेको स्थानीयले बताएका छ्न ।