हामीले मिलाउन अझै बाँकी कुराहरू छन्

धर्मानन्द भट्ट    

हामीले मिलाउन अझै बाँकी कुराहरू छन्

हामीले मिलाउन अझै बाँकी कुराहरू छन् ।
विचारको नाममा बोकिएका छुराहरू छन् ।

अस्ताएको ठान्नु भ्रम हो सुस्ताएको देखेर,
मलाई सम्झना छ चढ्नु पर्ने धुराहरू छन् ।

बेकारका जोस जाँगरका कुरा नगर्नु मसंग
तिमीभन्दा बलिया बा हरू ससुराहरू छन् ।

किन किन सिर्जना भावना निरीह देखिन्छौ
बाँधिएछ तिम्रा हातमा सायद चुराहरू छन्।

लीला अनौठो गरेछौ कृष्ण नियती लेख्यौ,
प्रतीक्षामा अझै कुरीरहेका मथुराहरू छन् ।



शुक्रबार १७, मङि्सर २०७८ ०९:०७ मा प्रकाशित

आगामी निर्वाचनमा कुन पार्टीले जितोस चाहानुहुन्छ?

Loading...

प्रतिकृया दिनुहोस