कोभिडले अस्पताल भर्ना भएका एक प्रतिशत बिरामीमा देखिन थाल्यो दिमागी समस्या

धनगढी खबर    

कोभिडले अस्पताल भर्ना भएका एक प्रतिशत बिरामीमा देखिन थाल्यो दिमागी समस्या

कोभिड–१९ सम्बन्धी हालैको एक रिसर्चमा कोरोनाबाट अस्पताल भर्ना हुनुपरेका १ प्रतिशत बिरामीमा दिमागी समस्या देखा पर्ने गरेको पाइएको छ ।

मंगलबार रिपोर्ट गरिएको डाटाका अनुसार कोभिडका कारण अस्पताल भर्ना हुने १०० बिरामी मध्ये एकजनामा स्नायु प्रणाली सम्बन्धी जटिलता देखा पर्ने गरेको छ । युरोप र अमेरिकामा मात्र कोभिडले अस्पताल भर्ना भएका झन्डै ३८ हजार बिरामी मध्ये ११ प्रतिशतमा मस्तिष्क सम्बन्धी समस्याका लक्षण देखा परेको हो । 

यसपछि एमआरआइ र सीटी गर्दा उनीहरुको स्नायु प्रणाली असामान्य रहेको पक्का भएको थियो र यो कोरोना भाइरससँगै सम्बन्धित थियो । 

यसमा सबैभन्दा व्याप्त निष्कर्ष भनेको आर्टरिज अवरुद्ध हुनुले बिरामीहरुमा स्ट्रोक भइरहेको थियो । यसका साथै खोजकर्ताहरुले मस्तिष्कमा रगत बग्ने, सुन्निने (इन्फ्लामेसन हुने) लगायत विभिन्न घातक समस्याहरु पनि देखेका हुन् । 

फिलाडेल्फियास्थित युनिभर्सिटीका डाक्टर स्कट भन्छन्, “कोभिडका कारण फोक्सोमा समस्या हुनेबारे हामी सबै जानकार थियौँ  । तर यो अध्ययनले के देखाएको छ भने कोभिडले ‘सेन्ट्रल नर्भस सिस्टम’ अर्थात मस्तिष्क सम्बन्धी पनि विभिन्न जटिलता निम्त्याउन सक्छ । त्यसैले महामारीमा मृत्यु दर वृद्धि गर्नमा यो पनि उल्लेखनीय कारक बन्न सक्छ ।



शुक्रबार १७, मङि्सर २०७८ ०९:३० मा प्रकाशित

आगामी निर्वाचनमा कुन पार्टीले जितोस चाहानुहुन्छ?

Loading...

प्रतिकृया दिनुहोस